Хоёр настай хүүхдүүдийг сугалаагаар элсүүлнэ

2020 оны 09 сарын 17

Монгол Улсын Засгийн газар 2020 оны есдүгээр сарын 14-ний өдрийн хуралдаанаараа бүх шатны боловсролын байгууллагын үйл ажиллагааг хэвийн горимд шилжүүлж, хоёр настнуудыг цэцэрлэгт хамруулахаар шийдвэрлэсэн. 

Энэ шийдвэрийн дагуу 2018 онд төрсөн хүүхдүүдийг хамран сургах тойргийн төрийн өмчийн цэцэрлэг болон зөвшөөрөлтэй хүүхэд харах үйлчилгээний төвд хамруулахаар болсон. Бүртгэлийг  цахимаар зохион байгуулж, төрийн өмчийн цэцэрлэгүүдийн хяналтын тоонд нийцүүлэн санамсаргүй байдлаар сонгох шийдлийг гаргажээ. 

Хоёр настнуудыг цэцэрлэгт элсүүлэх цахим бүртгэлийг есдүгээр сарын 21-ний өдөр эхлүүлэхээр урьдчилан төлөвлөсөн байна.

Цэцэрлэгийн бүртгэл болон сургуулийн автобустай холбоотой  мэдээллийг нийслэлийн Боловсролын газраас өгч байна. 

 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 17
182.160.34.190
ээж

2 настай хүүхэд улсын цэцэрлэгт хамрагдаж чадахгүй бол харъяалах дүүргийнх нь хувийн цэцэрлэгт улсын цэцэрлэгийн орон тоогоор авч болохгүй юу. Хувийн цэцэрлэг угаасаа цөөн тоогоор хүүхдүүд элсүүлдэг ш дээ. Аль болох л бүгдийг нь бүртгэх хэрэгтэй ш дээ.