Дархан хотод халдварын хоёр тохиолдол нэмэгдэж, нийт 13 боллоо

2020 оны 11 сарын 20

Дархан-Уул аймгийн Онцгой комиссоос өчигдөр 21:30 цагт мэдээлэл хийж, халдварын 2 тохиолдол нэмэгдэж нийт 13 болсныг мэдээллээ.

Тодруулбал, аймгийн онцгой комисс өчигдөр Хонгор суманд ажилласан. Тус суманд 400 орчим иргэн төмөр замд ажилладаг бөгөөд тэднээс коронавирусийн хоёр тохиолдол илэрчээ. Тиймээс ойрын хавьтлуудыг тусгаарлан шинжилгээнд хамруулж байгаа юм байна. 

Дархан-Уул аймгийн Засаг дарга Б.Азжаргал "2020 оны арваннэгдүгээр сарын 19-ний оройны байдлаар Дархан-Уул аймагт батлагдсан 13 тохиолдолтой боллоо. Шинээр хоёр тохиолдол нэмэгдсэн. Өнөөдрийн байдлаар төмөр замын ажилтан, албан хаагч 1000 гаруй иргэн, ар гэрийнхнээс коронавирус илрүүлэх түргэвчилсэн шинжилгээ авлаа. Ингэхэд сул эерэг гарсан оноштой иргэдээс хоёр тохиолдол шинээр нэмэгдсэнээр, нийт 13 тохиолдол бүртгэгдлээ" гэж мэдээллээ. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.