Хойд Африкт орших Морокко улсад өчигдөр орой /Монголын цагаар өнөө өглөөний 06.00/ газар хөдлөлт болжээ. Дотоод явдлын яамнаас гаргасан албан ёсны мэдээллээр, гамшгийн улмаас олон барилга байшин нурж эвдэрсэн бөгөөд одоогийн байдлаар 296 хүн нас барж, 153 хүн хүнд бэртсэн байна. Аврах, эрэн хайх ажиллагаа үргэлжилж байгаа учраас хохирлын хэмжээ цаашид нэмэгдэх магадлалтай гэдгийг мэдээнд дурджээ.
6.8 магнитудын хүчтэй газар хөдлөлтийн төв нь нийслэл Марракештай ойр буюу баруун өмнө тийш 71 км-т байснаас гадна, тэсрэлтийн голомт газрын гадаргад ойр байсан нь хохирлын хэмжээ өндөр гарахад нөлөөлжээ.
Одоогоор гамшигт өртсөн бүс нутгуудад ард иргэд чичирхийллийн дараах шоокноос гараагүй, эмнэлгүүдийн ачаалал хэтэрсэн нөхцөл байдалтай байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна