Малайзын шүүх Монгол Улсын иргэн Ш.Алтантуяа агсны гэр бүлд Засгийн газар нөхөн төлбөр олгох эсэхийг өнөөдөр хэлэлцээд шүүхээс өмнө нь тогтоогоод байсан 4.7 сая ринггитийн нөхөн төлбөрийг 1.38 сая болгон бууруулах шийдвэр гаргажээ.
Ерөнхий шүүгч Хашим Хамза Шүүхээс өмнө нь Ш.Алтантуяа агсны гэр бүлд олгох нөхөн төлбөрийн хэмжээг тогтоохдоо зарим хууль тогтоомжийг зөрчсөн гээд, хэргийг гардаж үйлдсэн Сирул, Азила нарын өмнөөс Засгийн газар хариуцлага хүлээх үндэслэлгүй гэж үзсэн байна.
Монгол Улсын иргэн Ш.Алтантуяа нь 2006 онд тус улсад амиа алдсан бөгөөд хуулийн байгууллага энэ хэргийг мөрдөн шалгаад буруутай этгээдүүдийг тогтоож, Малайзын Засгийн газрыг хариуцлага хүлээх үндэстэй гэж үзэн 4.7 сая малайз ринггит буюу 1.1 сая орчим ам.доллартай тэнцэх нөхөн төлбөрийг талийгаачийн ар гэрт олгох шийдвэрийг гаргасан байдаг. Гэвч энэхүү хэрэгт Малайзын Засгийн газрыг буруутгасан нь зөв байсан эсэхийг тогтоолгохоор давж заалдсан бөгөөд энэхүү гомдлыг нь өнөөдөр хэлэлцэн шийдвэрлэж байгаа нь энэ юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна