Н.Номтойбаяр: Төгрөг нуурын ордыг 250 сая доллароор Х.Баттулга зарсан нь үнэн байна лээ

Стратегийн ордтой холбоотой асуудлаар УИХ-ын гишүүн Н.Номтойбаяр мэдээлэл хийлээ.

Тэрбээр "Хуулийн өмнө бүгд тэгш эрхтэй байх хэрэгтэй. Эдийн засагт хувь нэмэр оруулъя гэсэн шударгаар хөдөлмөрлөж байгаа хүмүүсээ баална.  Гэтэл нөгөө талд хамгийн булхиатай хууль бусаар залиалан луйвар хийсэн асуудал байгаад байна.

Н.Учрал сайд Х.Баттулгатай холбоотой хэд хэдэн мэдэгдэл хийсэн. Урьд нь сонсож байсан ч төдийлөн итгэл төрж байгаагүй. Судлаж үзэхэд стратегийн ордыг 250.000 сая доллараар зарсан гэдэг мэдээллүүд явж байгаа. Хуулийн дагуу зарж болно. Тэгвэл татвар төлсөн эсэх, мөнгө угаасан байж болзошгүй, оффшор зэрэг маш ноцтой Эрүүгийн гэмт хэргийн шинжтэй харагдаж байна. Засгийн газартай бусад компаниуд хэлэлцээр хийгээд явж байна. Тэр компани хийгээгүй. Гагцхүү хуулийн өмнө эрх тэгш байх ёстой.

Эрх ашиг нь хөндөгдсөн нөхөр тачаадаад хэвлэлээр элдэв троллуудаараа нийгэмд үзэн ядагдах давалгаа үүсгээд үзэн ядуулдаг улиг юм бий.

Хамгийн түрүүнд хужаа болгоод цоллодог, хулгайч болгоод цоллодог. Үнэн худлааг нь үл харгалзаж муухай харагдуулдаг. Бид зөв юман дээр хамгаалах ёстой гэж бодож байна. Улс орны чухал асуудлууд дээр Засгийн газрыг дэмжээд явсан. Цаашид ч дэмжинэ.

Би Л.Оюун-Эрдэнийн Засгийн газартай зарим зүйл дээр санал нийлдэггүй. Тухайлбал, АТГ-ын даргыг улираан томилж байгаа дээр. Харин улс орны чухал асуудал хөндөгдөхөд дэмжээд явна. Нам өөр байхаас үл харгалзан бидний үүрэг.

МАК-ийн хувьд хэлэлцээрт оръё гээд бичгээ өгсөн. Ж.Батзандангийн үгийг хоёр утгаар ойлгож болно. Засгийн байр суурь мөн үү гэдгийг асууна. Ж.Батзандан золбин улс төрч.  Золбироод хачин хачин үг хэллэг хэлээд явж байдаг. Хоёрт, Ухаа худаг үйлдвэр байгуулаад мөнгө босгоод явсан үндэсний компани. Дайрч доромжлох зохисгүй. Төгрөг нуур дээр О.Алтангэрэл сайд ажиллах хэрэгтэй" гэв.