Дотроос авсан ШИПИ: 70-аад он vs 80-аад он

-Заалнаас Д.Амарбаясгалан, Г.Тэмүүлэн, С.Нэргүй нэр дэвшсэн ч Г.Тэмүүлэнгээс бусад нь нэрээ татжээ-

МАН-ын Удирдах зөвлөл Ерөнхийлөгчийн Тамгын газрын дарга Г.Занданшатарыг 100 хувийн саналаар дэмжин, Ерөнхий сайдад нэр дэвшүүлэхээр Бага хурал руу оруулсан билээ.

Ингэснээр, Г.Занданшатар vs Заалнаас нэр дэвшигч өрсөлдөж, ялсан нь Монгол Улсын 34 дэхь Ерөнхий сайдаар ажиллах хувилбар хэрэгжих магадлал өндөр болсон талаар бид өмнө нь мэдээлсэн. Заалнаас УИХ-ын дарга Д.Амарбаясгалан, УИХ-ын гишүүн Г.Тэмүүлэн, Бага хурлын гишүүн С.Нэргүй нар нэрээ дэвшүүлжээ.

Улмаар Г.Амарбаясгалан, С.Нэргүй нар нэрээ татсанаар Г.Тэмүүлэн Г.Занданшатартай өрсөлдөхөөр тунаж үлдсэн байна.

Д.Амарбаясгалан даргын тухайд, нэрээ татахдаа Г.Тэмүүлэнг дэмжихийг уриалсан эсэх нь тодорхойгүй. Гэхдээ тэрбээр нэр дэвшсэнээрээ Г.Занданшатарыг дэмжихгүзй гэдгээ илэрхийлсэн хэлбэр байж тун магадгүй. 

Өөрөөр хэлбэл, сүүлийн үед МАН-ын францийн ялгарлыг /насны хувьд/ тодотгож, 80-аад оныхныг уриалсан нэг хэлбэр байж магадгүй байна. Ямартай ч хурал одоо үргэлжилж байгаа бөгөөд 80-аад оны төлөөлөл Г.Тэмүүлэн, 70-аад оны төлөөлөл Г.Занданшатар хоёрын нэг нь Монгол Улсын 34 дэхь Ерөнхий сайдаар томилогдох нь тодорхой болж байна.