“МИАТ” төрийн өмчит хувьцаат компанийн дэд захирлаар томилогдоод удаагүй, Ерөнхий сайд У.Хүрэлсүхийг Шадар сайд байхад туслах нь байсан Н.Энхбаатарыг Авлигатай тэмцэх газрын /АТГ/ Мөрдөн шалгах хэлтсийнхэн авлига, албан тушаалын хэрэгт холбогдуулан долдугаар сарын 23-нд саатуулсан билээ. Улмаар шүүхээс түүнийг 30 хоног цагдан хорих захирамж гаргасан. Зарим хэвлэл мэдээллийн хэрэгслээр түүнийг 600 сая төгрөгийн хахууль авч байгаад үйлдэл дээрээ баригдсан хэмээн мэдээлсэн ч АТГ-ынхан үгүйсгэсэн.
Н.Энхбаатарыг саатуулах 30 хоногийн хуулийн хугацаа наймдугаар сарын 24-ны өдөр дууссан. Тиймээс прокурорын байгууллагаас үргэлжлүүлэн хорих саналаа шүүхэд хүргүүлснээр шүүхээс яллагдагчаар татаж, дахин нэг сар үргэлжлүүлэн хорих шийдвэрийг гаргасан юм. Тэгвэл Н.Энхбаатарын өмгөөлөгч шүүхэд хүсэлт гаргаснаар түүнийг батлан даалтад гаргаад байгаа аж.
Сэтгэгдэл бичигдээгүй байна