Т.Доржханд: УИХ-ын үйл ажиллагаанд оролцохгүй, "Өөрсдөө өөрчил эсвэл тар!" жагсаал зохион байгуулна

УИХ-ын гишүүн Т.Доржханд УИХ-ын үйл ажиллагаанд оролцохгүй, талбай дээр жагсана гэдгээ зарлалаа. 

Өмнөх долоо хоногийн сүүлээр УИХ хаалттайгаар Хөгжлийн банкны улс төрчдийн асуудлыг нууцаар хэлэлцлээ. Хамгаалж авч үлдлээ. Ийм УИХ-д хэн итгэх юм бэ ? Монголчууд хоёр гурван сарын хугацаанд хулгайтайгаа тэмцье гэсэн. Хуулийн байгууллага нь энэ асуудлыг зүгээр олонхоороо авч үлдэнэ гэдэг асуудал бол маш хариуцлагагүй зүйл.Энэ удаа УИХ-ын танхим дотроос биш талбай дээр иргэдийг уриалаад залуучуудыгаа дуудаад хамтдаа өөрчилье, тэмцье гэж байгаа. Энэ долоо хоногийн пүрэв гарагийн 12:00 цагт өдрийн хоолныхоо үеэр хүрээд ирээч ээ.

Өөрсдөө өөрчил эсвэл тар ! гэдэг жагсаалыг зохион байгуулах гэж байна. Бид гэдэг нь хувь хүнийхээ, иргэн хүнийхээ, дөрвөн хүүхдийн аав хүний зүгээс би энэ жагсаалыг зохион байгуулъя гэж байгаа юм.

Төрийн тогтолцоо болохгүй байна. Хэтэрхий данхайсан байна. Энэ байдлаараа Монгол Улс хөгжихгүй юм байна. Ийм учраас төрийг цомхон болгох хэрэгтэй байна.

Төрийн сонгууль нь шударга зөв байх ёстой. Учраас сонгуулийн тогтолцооны өөрчлөлтийг яаралтай хий !
Өнөөдөр дайн болж байна. Цаашаа яаж өрнөхийг бүү мэд. Гэтэл Монгол Улсын аюулгүй байдал хангагдаж чадах уу ? Ганцхан хотдоо чихээд суучихдаг. Асуудал үүсэх битгий хэл цахилгаан станцад гэмтэл гарах юм бол Улаанбаатар хот хөлдөнө.

Сая тойргийн төсөв дээр хэмнэх гэж орж ирсэн засгийн газрын бодлогыг нь УИХ-ын гишүүд чинь буцаагаад өсгөхөөр л болчихлоо шүү дээ. Өнөө 18 их наядын хамгийн өндөр зардалтай төсвөө буулгаагүй яг тэр чигээр нь баталчихлаа. Ямар юмных нь хэмнэлт байгаа юм.