СЭРЭМЖЛҮҮЛЭГ: Ахуйн гал түймрийн улмаас 70 настай иргэн амиа алджээ

Ахуйн гал түймрийн аюулаас урьдчилан сэргийлэхийг сэрэмжлүүлж байна.

Тодруулбал, нийслэлийн Баянзүрх дүүргийн 22 дугаар хорооны нутагт айлын гэр шатаж байна гэсэн дуудлага өчигдөр 09:11 цагт Онцгой байдлын газарт бүртгэгджээ.

Дуудлагаар Онцгой байдлын хэлтсийн Гал түймэр унтраах, аврах ангийн 63 дугаар ангийн алба хаагчид очиход таван ханатай гэр, 3х5 метрийн амбаар шатаж байсныг унтраасан байна. Харамсалтай нь гал түймэрт 70 настай, эрэгтэй өртөж нас барсан гэж Онцгой байдлын ерөнхий газраас мэдээллээ.

ЗӨВЛӨМЖ

• Пийшин, зуухны аюулгүй байдлыг хангах,
•  Халуун цогтой үнс нурмыг ил задгай асгахгүй байх,
•  Гэмтэлтэй цахилгааны утсыг ашиглахгүй байх, цахилгааны утас болон уртасгагчны ачааллыг хэтрүүлэхгүй байх,
•  Бага насны хүүхдийг асран хамгаалагчгүйгээр үлдээхгүй байх,
•  Чүдэнз, асаагуурыг хүүхдийн гар хүрэхгүй газар, цоожтой шүүгээнд хадгалж хэвших,
• Шашны зан үйл хийх, зул барих, ялангуяа нэг удаагийн зул өргөсөн үедээ гэрээ эзэнгүй орхихгүй байх, галын аюулаас урьдчилан сэргийлэхийг Онцгой байдлын ерөнхий газраас анхааруулж байна.