Цорын ганц ЭРЭГТЭЙ ГЕЙША Эитарогийн ажлын нэг өдөр хэрхэн өнгөрдөг вэ?

Японы урлагийн салшгүй нэгэн чухал хэсэг бол гейша нар юм. Гэсэн хэдий ч өнөө цагт улам л ховордож, уг зан үйл мөхөж устах талруугаа хазайсан гэхэд хилсдэхгүй. Зуун жилийн өмнө Японд 80,000 гаран гейша бүртгэлтэй хөдөлмөр эрхэлж байсан бол одоо ердөө 1000 гаран л гейша байдаг болжээ.

Орчин үе зөвхөн баячуудын хувийн эдлэн, амралт цэнгээний газар эсвэл томоохон хотуудын чинээлэг давхаргын уушийн газруудаас л гейша урлагийг олж сонирхох боломжтой.

Нас барсан эхийнхээ замналаар явж, гейша болсон Японы цорын ганц эрэгтэй гейша Эитарог ЗӨВ.МН онцолж байна. 

Эитаро одоо 26 настай. Түүний ээж гейша нарын цайны байшин эзэмшдэг байсан бөгөөд өвчний улмаас нас барсных нь дараа Эитаро өөрийн охин дүү Майкатай удирдан ажиллуулах болжээ. 

Эитаро 10 насандаа л гэхэд хэд хэдэн удаа мэргэжлийн гейша нартай хамт үзүүлбэр үзүүлж, тэдний бүжгийг хамт бүжиглэдэг байв. Гоц авьяастай, мөн гейша болох хүсэлтэй нэгэн байсан учир ердөө 11 настайдаа Японы үндэсний театрт анхны тайзан дээрээ гарч, үзүүлбэр үзүүлж байжээ.

Мэргэжлийн үсчин Эитарод хиймэл үсээ хэрхэн арчлах талаар зөвлөгөө өгч байна.

Эитаро шинэ хиймэл үсээ зүүж үзэж байна.

Гейшагийн гоёлын хамгийн чухал зүйл бол нүүр будалт билээ.

Төрсөн дүү Майко нь Эитарод кимоногоо өмсөхөд нь тусалж байна.

Эитарогийн багийн бүсгүйчүүд үзүүлбэр үзүүлэх аязаа сонгож байна.

Хүлээн авалтад явахын өмнө бүх зүйл төгс байгаа эсэхийг сайн шалгах ёстой байдаг. 

Хүлээн авалтад уригдсан гейша нар замдаа гарчээ.

Эитаро зочдыг хөгжөөж байна.

Эитаро уламжлалт гейша нарын бүжгийг бүжиж байна. 

Цайны ёслол бол тэдний соёлын салшгүй нэгэн хэсэг. Тиймдээ ч гейша нарын амьдардаг байшинг цайны байшин хэмээн нэрлэдэг.

Эитаро зочдод гейша урлагийн тухай тайлбарлаж байна.