Б.Нандинцэцэг: Хайрыгаа маш их санаж байна хайр халамжаар нь дутаад байна​

Өнгөрсөн оны арванхоёрдугаар сарын 31-ний өдөр Улсын өсөх идэр начин Э.Энхбат агсныг сүүлчийн замд нь үдэн гаргах ёслол болсон билээ. Тэгвэл түүний эхнэр өөрийн цахим хуудаснаа шүүх шинжилгээний дүгнэлт болоод бусад зүйлсийн талаар байр сууриа илэрхийлжээ. 

Б.Нандинцэцэг: "Хайрыгаа маш их санаж байна хайр халамжаар нь дутаад байна. Цаг хугацаа хурдан юмаа. Хайрт ханиа алуурчдын гарт алдаад шулуухан хэлэхэд 10сар гаран боллоо. Яагаад алуурчид гэж олон тоон дээр хэлж байна гэхээр хажууд нь амаараа хатгагч хийсэн өвгөн, хаяаад зугтсан хамсаатан магадгүй гар хөлийг барьж өгчөөд зугтсан байх өндөр магадлалтай! бөөн юм болоод байна шүү дээ гэхэд хээв нэг миний өрөөний тавилга өнгөрлөө гээд хаяаад явсан эр хүний үнэргүй дүр исгэгч нарын цэвэр буруугаас болж алуурчингийн гарт алтан амиа алдсан ханиа бодохоор гол зурж элэг эмтэрч байна.

Нөгөө алуурчин нь яасан хам хэрэг, бүлэг болвол ял нь хүндэрнэ гээд бүгдийг нь буруугүй гэж жүжиглэчихсэн хэрнээ шантаажилж эмчилгээний мөнгө нэхээд л… Үнэхээр л ямар ч буруугүй бол ядаж ирэхгүй юм аа гэхэд утас, viber, fb бүгдийг нь мэдсээр байж эмгэнэл илэрхийлж яагаад болдоггүй юм бол!!! Ганзул гэх эмэгтэй харин надтай ирж уулзаж эмгэнэл илэрхийлээд явсан эх хүн учраас бас нэг хүн чанар гаргасан байлгүйдээ. 
Эхэндээ алуурчингийн эхнэр нь хүртэл надруу Эрдэнэбат гэдэг Хо нэртэй хорчин л юм ярьсан гэж байна. Гал-Эрдэнэ хаалгыг түгжиж алалцаг гээд хаяаад явсан байна гэж ярьж ярьчихаад дараа нь тэднийг дурсахаа ч байсан….
Бид өдийг хүртэл дэндүү хүлцэнгүй, дэндүү хүнлэг хандсан шүү муусайн хог шаарнууд минь !!!! Мөрдөн байцаах ажиллагаа яаж явдагийг хэдүүлээ харнаа. Шүүх эмнэлэгийн дүгнэлт үнэн зөвөөр гарсан байна лээ баярлалаа" гэжээ.