“Цасны гүнж” Эйлин Гу алтан медаль хүртжээ

Өнөөдөр цанын чөлөөт гулгалтын эмэгтэйчүүдийн  “Big air” төрөлд Эйлин Гу алтан медаль хүртлээ. Эхний шатны харайлтдаа газардсаны дараа цанаа алдаж бүтэлгүйтсэн ч гурав дахь үсрэлтээ амжилттай хийж шигшээд шалгарч алтан медалийн эзэн болж Бээжин-2022 өвлийн олимпын аварга боллоо.

 “Цасны гүнж” хэмээн олонд танигдсан Эйлин Гу түрүүлж, Францын Тесс Ледо мөнгөн медаль, Швейцарийн Матилде Гремауд хүрэл медаль тус тус хүртэв.  Эйлин Гу нь Америкт төрч, өссөн хэдий ч олимпод Хятадыг төлөөлөн оролцсон.

Өдгөө 18 настай тэрбээр  ээжийнхээ төрсөн нутаг болох БНХАУ-ыг төлөөлөхөөр сонгогдсон энэ охин өвлийн олимпод  нүүр царайгаараа улс даяар сурталчилгааны самбаруудыг чимжээ.

 Олон улсын томоохон тэмцээнүүдэд түрүүлснээс гадна 2020 оны залуучуудын өвлийн олимпоос алтан медаль, өнгөрсөн жилийн “Winter X Games”-ээс гурван медаль хүртжээ. 

Түүнийг Америкийг бус Хятадыг төлөөлөх болсонд олон хүн дургүйцсэн. Эйлин Гу 2018 он хүртэл Америкийн далбаан дор тэмцээн уралдаанд оролцдог байсан ч яг дараа жил нь олон улсын цанын холбоонд бүртгэлтэй харьяаллаа Хятад болгосон юм. Америк аав, Хятад ээжтэй Гу нь ээжээрээ овоглодог байна.