Б.Мөнхцэлмэгийг баривчлаагүй гэв

2020 оны 01 сарын 22

Иргэн Б.Мөнхцэлмэгээр ахлуулсан “Бид уучлахгүй” хөдөлгөөний хэсэг залуус өчигдөр /2020.01.21/ Хууль зүйн, дотоод хэргийн яамны 50 сая төгрөгөөр тохижуулсан өрөө болон 600 саяын үнэтэй тавилгуудыг үзэх хүсэлт тавиад байсан. Гэвч тус яамны гадна цагдаагийн хамгаалалт гарч, “Бид уучлахгүй” хөдөлгөөний тэргүүн Б.Мөнхцэлмэгийг цагдаагийнхан хүчээр машинд суулган авч явсан юм.

Уг асуудалд  ЦЕГ-ын хэвлэл мэдээллийн төвийн дарга, цагдаагийн хурандаа Б.Баатархүүгээс ямар шалтгаанаар баривчилсныг тодруулахад “Иргэн Б.Мөнхцэлмэгийг баривчлаагүй, харин зөвшөөрөлгүй жагсаал хийсэн тул Чингэлтэй дүүргийн цагдаагийн хэлтэст жагсаалын талаар мэдүүлэг авсан” гэсэн тайлбарыг өгчээ. 

Харин тус дүүрэг дэх цагдаагийн хэлтсээс холбогдох шалгалтын ажиллагааг явуулан зөрчлийн хэрэг нээх саналтай прокурорт материалыг хүргүүлээд байгаа юм. Б.Мөнхцэлмэг нь 2020.01.17 нд Чингэлтэй дүүргийн Засаг даргад ХЗДХЯ гадна жагсаал, цуглаан зохион байгуулах “Мэдэгдэл”-ийг хүргүүлж байсан бөгөөд ЧДЗДТГ-аас уг жагсаал, цуглааныг бүртгэх боломжгүй гэсэн хариу 2020.01.20 өдөр өгч байжээ. 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 22
202.179.26.240
Зочин

Хууль зүйн яамны Жанчив дарга хөшигөө харуулаач ээ\n