Боомтуудаар гуравдугаар сарын 2 хүртэл нүүрс тээвэрлэхгүй

2020 оны 02 сарын 11

Засгийн газар Улсын онцгой комиссын шийдвэрээр зорчигч тээврийн хэрэгслийн зарим хөдөлгөөнд хязгаарлалт хийсэн. Монгол Улсын иргэн гадагшаа, тэр тусмаа БНХАУ руу зорчих хөдөлгөөнийг хязгаарласан. Албан ажлын зайлшгүй шаардлагын улмаас болон төлөвлөгөөт хагалгаанд орох иргэдийг албан ёсны холбогдох бичиг баримтыг нь шалгаад  БНХАУ руу нэвтрүүлж байгаа. Мөн тус улсаас манай улсад чөлөөтэй зорчиж дипломат ажилтан, албаан хаагчдыг хүндэтгэн үзэх шаардлагатай бол хүлээн авч байна" хэмээн Хил Хамгаалах Ерөнхий газрын хурандаа Ц.Мягмардорж мэдээллээ.

Түүнчлэн тэрээр "Өчигдрийн байдлаар 351 тээврийн хэрэгсэл БНХАУ-ын хилээр нэвтэрснээс 248 нь нүүрс тээврийн автомашин байна. Нэгдүгээр сарын 28-наас хойш өнөөдрийг хүртэл Монгол Улсын 11354 иргэн БНХАУ-аас орж ирсэн. Нэгдүгээр сарын 28-наас хойш Монгол Улсын 96 иргэн зайлшгүй шалтгааны улмаас БНХАУ руу зорчсон тоон үзүүлэлттэй байна" гэв.

Мөн Өмнөговь аймгийн Ханбогд сумын Гашуун сухайт, Ганц мод, Гурвантэс сумын Шивээ хүрэн хилийн боомтуудаар уул уурхайн түүхий эд тээвэрлэлтийг түр хугацаагаар хориглох шийдвэр гаргах хүсэлтийг нутгийн иргэд, тээвэрлэгчдээс Улсын онцгой комисст ирүүлсэн тул 2020 оны гуравдугаар сарын 2 хүртэл нүүрс тээвэрлэлтийг зогсоож, холбогдох арга хэмжээг авч ажиллахыг үүрэгджээ.

Х.Дэлгэрэх

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.