Баян-Өлгийд коронавирусийн сэжигтэй тохиолдол илэрч, хязгаарлалт тогтоолоо

2020 оны 02 сарын 12

Баян-Өлгий аймагт шинэ төрлийн коронавирусийн сэжигтэй байж болзошгүй тохиолдол илэрсэн тул аймгийн Засаг даргын захирамжаар хязгаарлалт хийлээ.

Үүнтэй холбоотойгоор уг иргэний шинжилгээний хариу гартал захуудын үйл ажиллагааг зогсоож, кафе, караокэ, сүм, хийдүүдийн үйл ажиллагааг ч гуравдугаар сарын 2-ныг хүртэл зогсоосон байна. Мөн сэжигтэй тохиолдол болон хавьтал болсон иргэдийг тусгаарлаж, байршлыг хамгаалалтад авахыг даалгасан байна.

Хоёрдугаар сарын 7-ний өдөр 21 настай эрэгтэй Замын-Үүдээс Улаанбаатарт ирсэн бөгөөд хоёрдугаар сарын 11-ний өдөр хувийн таксигаар Баян-Өлгий аймагт очсон байна. Тухайн иргэн халуурсан бөгөөд өчигдөр 22:00 цагт аймгийн нэгдсэн эмнэлэгт тусгаарлан шинжилгээг авч, Ховд уруу илгээжээ.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.