К-драмаас өөртөө авч үлдэж болох ДӨРВӨН зүйл

2020 оны 02 сарын 12

Магадгүй та телевиз, нөүтбүк, ухаалаг утасныхаа дэлгэцийг олон цагийн турш ширтсэний эцэст гол дүрд нь дурлахаас өөр юм үлдэхгүй байна уу? Тэгвэл К-драмнаас  юу авч үлдэх хэрэгтэй талаар танд дараах зөвлөгөөг хүргэж байна.

1. К-Драма бол хөдөлгөөнт тайлбартай нэвтэрхий толь

Хамгийн эхэнд авч үлдэх зүйл бол үг юм. Цувралаа үзээд дуусгахад ядаж л хэдэн үг өөртөө наагаад үлдвэл танд дараа заавал хэрэг болно. Мэдээж кинон дээр гарч байгаа үгнүүд ихэвчлэн тухайн орны хүмүүсийн түгээмэл хэрэглэдэг үг байдаг. Хамгийн гол нь тэр үгнүүдийг яг ямар тохиолдолд хэрэглэдэг вэ гэдгийг танд өөрсдөө жүжиглэж үзүүлдэг. Иймд та мэдэхгүй байгаа үгнүүдээ орчуулга болон ямар тохиолдолд хэрэглээд байгааг нь тэмдэглээд бай.

2. Сонсгол болон дуудлага

Киноны анги тус бүрийг болж өгвөл нэг нэгээр нь үзэх хэрэгтэй. Анги тус бүр дээр бүх үг шинэ байна гэж байхгүй. Эхний анги дээр гарсан үгийг сонсож чадаагүй бол та тэр үгийг мэддэггүй байсан гэсэн үг. Тэгэхээр та дараагийн анги дээр тухайн үг гарч ирэхэд цээжилчихсэн байх хэрэгтэй. Ингэснээр таны үгийн баялаг нэмэгдэх төдийгүй сонсгол дуудлага илт сайжирна.

3. Соёлын нэвтэрхий толь
Мэдээж К-драм үзсэнээр солонгос орны соёлтой дэлгэрэнгүй танилцана. Тахилын өдөр ямар чухал талаар, өдөр тутам хэрхэн мэндчилдэг, дээд доод үе, албан тушаал, насны их багын хүндлэл, өдөр тутмынх нь хийдэг зүйлс, хооллох соёл, солонгосын залуу үеийнхний хайр дурлал, нөхөрлөл зэрэг бүхий л зүйлийн талаар мэддэг болно. Зөвхөн киноныхоо гол үйл явдалд анхаараад байхаас илүү соёлын нарийн ширийн юмсыг хүртэл сайн анзаараад үзэх хэрэгтэй.

4. Чөлөөт цаг

Хамгийн гол нь чөлөөт цагаа хий дэмий өнгөрүүлснээс К-драмаа үзэtд өөрийн хүрээлэн буй орчноо маш сайн бүрдүүлээрэй. Мөн цаашид хэрхэн солонгос хэлээ сайжруулж, солонгос хүнтэй солонгос хүн шиг ярихын тулд хором мөч бүрийг алдалгүй суралцах хэрэгтэй.

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.