Д.Нарангэрэл: Тусгаарлах байранд чихрийн шижин өвчтэй 26, артерийн даралт ихсэх өвчтэй 86 хүн байна

2020 оны 05 сарын 17

Эрүүл мэндийн яамнаас цаг үеийн асуудлаар мэдээлж байна.

Эрүүл мэндийн яамны хэлтсийн дарга Д.Нарангэрэл "Сүүлийн 24 цагийн хугацаанд ОХУ-д шинээр 9200 тохиолдол илэрсэн байна. Манай улсын хувьд 108 ажиглалтад нэмэгдэж, 26 хүн ажиглалтаас гарч, тусгаарлах байранд нийт 1747 хүн ажиглалтад байна. Уг тусгаарлах байранд чихрийн шижин өвчтэй 26, артерийн даралт ихсэх өвчтэй 86, халдвартай 21 хүн байна. Эдгээр хүмүүст 22 их эмч, 49 резидент эмч эмнэлгийн тусламж үйлчилгээ үзүүлж байна.

Мөн орон нутгийн 15 чиглэлийн галт тэргэнд Төмөр замын нэгдсэн эмнэлгийн ажилтнууд нийт 4,000 гаруй хүнд COVID-19 илрүүлэх тандалт судалгаа хийсэн. Үүнд сэжигтэй тохиолдол илрээгүй. 

Харин АНУ, БНСУ, ОХУ-аас манай улсын таван иргэн "Шуурхай 199" аппикэйшнээр холбогдож, урьдчилан сэргийлэх чиглэлээр зөвлөгөө, зөвлөмж авсан. Мөн иргэдээс хоолны газарт ажиллаж байгаа хүмүүс амны хаалт зүүхгүй байгаа тухай гомдол ирсэн. Иймд эрүүл мэндийн яамнаас хоолны газарт үйлчилж байгаа хүмүүс бүгд амны хаалт зүүсэн байх, заасан цаг хугацаанд сольж зүүх шаардлагатай бөгөөд иргэдийг гар ариутгагчийг бүх ширээн дээрээ байрлуулсан байх ёстой гэж зөвлөж байна" гэв.

ЭМЯ-ны Гадаад харилцаа, хамтын ажиллагааны газрын дарга Б.Янжмаа "ДЭМБ-ын тавдугаар сарын 16-ны өдрийн байдлаар 85 000 хүн халдвар авч, 2600 гаруй хүн нас барсан байна. Японд баасан гарагт 57 шинэ тохиолдол, 19 нас баралт бүртгэгдсэн бол БНСУ-д шөнийн клубээс үүдэлтэй халдвар өчигдөр есөн тохиолдлоор нэмэгдэж, 167 болов. Тус шөнийн клубээс үүдэлтэй халдвар авсан хүнийг илрүүлэхийн тулд 46 мянган гаруй иргэнд шинжилгээ хийсэн байна. Үүнээс гадна тус улсад шинээр дөрвөн тохиолдол  зөөвөрлөгдөн ирсэн байна. Ингээд БНСУ-д нийт халдварын тохиолдлын тоо 11050 болсон" гэсэн мэдээллийг өглөө.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.