АН-ын удирдлагууд сонгуульд ялагдсан хариуцлагаа хүлээж, намаасаа огцор!

2020 оны 06 сарын 25

АН-ын нэр бүхий гишүүд АН-ын дотоод ардчиллыг хангуулах түр хороо байгуулан намынхаа дарга, дэд дарга нарыг үндсэн дүрэмд заасны дагуу хариуцлага хүлээхийг шаардаж мэдээлэл хийлээ. Тодруулбал, тус намын үндсэн дүрэмд УИХ-ын сонгуулийн дүнгээр олонх болж чадаагүй бол намын дарга, дэд дарга нар хариуцлага хүлээн 5 хоногийн дотор огцорно хэмээн заажээ. 

АН-ын гишүүн Б.Ган-Эрдэнэ: "УИХ-ын ээлжит сонгуулийн дүнгээр АН 11 суудал авч, хоёр сонгууль дараалан үнэмлэхүй ялагдал хүлээв. Энэ нь АН-ыг дэмжиж ирсэн олон нийтийн итгэлийг алдсан хариуцлагагүй явдал боллоо. Ардчилсан намын гишүүд энэ байдлыг хараад зүгээр суух эрхгүй болжээ. 

Намыг ялагдалд хүргэсэн одоогийн удирдлага дүрмийн дагуу хариуцлага хүлээж, шинэчилсэн зохион байгуулалтыг шуурхай хийж чадах эсэх, дотоод ардчиллыг гишүүдийн оролцоотой хангаж чадах эсэх нь эргэлзээтэй юм. Иймд Ардчилсан намын дотоод ардчиллыг хангуулах түр хороог байгуулсан. 

Түр хороо нь АН-ын үндсэн дүрэмд заасны дагуу намын дарга, дэд дарга, ерөнхий нарийн бичгийн дарга нарыг 2020 оны зургаадугаар сарын 24-ний орой огцорсныг ажлын тав хоногт багтаан албажуулах ажлыг АН-ын үндсэн дүрмийн хороо хийж чадах эсэхийг хянах, Намын үндсэн бодлогын хорооны хурлыг 15 хоногийн дотор хуралдуулахыг шаардах, АН-ын дүрмийг хэрэгжүүлэх, дотоод ардчиллыг хангуулахтай холбоотой ажлуудыг зохион байгуулах зэрэг ажлуудыг хийх юм. 

АН-ын ҮБХ-ны гишүүн, НИТХ-ын төлөөлөгч М.Тулгат: "УИХ-ын сонгуулийн дүнгээр АН шинэчлэгдэж чадаагүй байна гэдэг дүн авлаа. Ард түмэн МАН-д сэтгэл хангалуун байгаа учраас сонгосон юм биш. АН сөрөг хүчний үүргээ гүйцэтгэж чадахгүй байгаа учраас сонгуулийн дүн ийм гарсан. Тиймээс АН-ыг эрс шинэчлэх шаардлагатай байна. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.