NBA-ийн 16 тоглогч коронавирусийн халдвар авчээ

2020 оны 06 сарын 27

Хойд Америкийн Үндэсний сагсан бөмбөгийн холбоо буюу NBA, Үндэсний сагсан бөмбөг тоглогчдын холбоо өчигдөр (2020.06.26) хамтарсан мэдэгдэл хийлээ. Энэхүү мэдэгдэлд NBA-ийн нийт 302 тоглогчоос шинэ төрлийн коронавирусийн шинжилгээ авахад 16 тоглогчийн шинжилгээний хариу эерэг гарсан гэсэн юм. 

Одоогоор халдвар авсан тоглогчид 14 хоногийн туршид тусгаарлалтад байна. Гэсэн ч NBA ирэх долдугаар сард лигээ үргэлжлүүлэн явуулахад дээрх шинжилгээний хариу саад болохгүй хэмээн мэдэгдэв.

Учир нь нийт шинжилгээнд хамрагдсан тоглогчдын 5.3 хувь нь халдвар авсан тул цаашдаа эрсдэлтэй байдал үүсгэхгүй гэж үзэж байгаа аж. Нийт 22 багийн 300 гаруй тоглогчоос ирэх сард Флорида мужид ирэхэд нь өдөр бүр шинжилгээ авах юм байна.

Эх сурвалж: nba.com

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.