Монгол Улс ШХАБ-д элсвэл ОХУ дэмжинэ гэв

2020 оны 07 сарын 03

ОХУ-ын ГХЯ энэ намар Шанхайн хамтын ажиллагааны байгууллагын гишүүн орнуудын Гадаад хэргийн сайд нарын уулзалтыг Санкт-Петербург хотноо зохион байгуулахаар төлөвлөж байна. 

Энэ талаар ОХУ-ын Гадаад хэргийн орлогч сайд Игорь Моргулов ТАСС агентлагт ярилцлага өгөх үедээ "ШХАБ-ын дээд хэмжээний чуулганы өмнө бид магадгүй энэ намар Гадаад хэргийн сайд нарын уулзалтыг зохион байгуулах хүсэлтэй байна" гэжээ.

Тэрбээр ярилцлагынхаа үеэр Монгол Улс ШХАБ-ын бүрэн эрхт гишүүн болбол ОХУ шийдвэрийг нь дэмжинэ гэв. "Монгол Улсад ШХАБ-ын бүрэн эрхт гишүүн болох эсэх талаар идэвхтэй хэлэлцүүлэг өрнөж байна. Энэ шийдвэрийг дэмжих ч хүмүүс байна, эсэргүүцэж байгаа нь ч бий. Би монгол нөхдийнхөө сонголтод огтхон ч нөлөөлөх гэсэнгүй. Энэ бол тэдний тусгаар тогтносон эрх. Хэрэв тэд ШХАБ-т элсэх шийдвэр гаргавал ОХУ дэмжих нь дамжиггүй. Мөн ШХАБ-ын бусад орнууд Монгол Улсыг манай ШХАБ гэх энэ том гэр бүлийн эгнээнд элсэхэд баяртай хүлээн авах болов уу гэж бодож байна" гэжээ. 

Одоогоор Монгол Улс ШХАБ-ын ажиглагч улсын статустай байгаа юм. 

Эх сурвалж:  ТАСС

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.