Тарваган тахлын сэжигтэй нэг хүний шинжилгээ, эмчилгээнд 100-гаад сая төгрөг зарцуулж байна

2020 оны 07 сарын 27

Өнгөрсөн долоо хоногт Завхан, Баянхонгор аймагт тарваган тахлын сэжигтэй хоёр тохиолдол бүртгэгдсэн. Энэ бүгдэд ЗӨСҮТ-ийн баг голомтод ажиллаж, эхний шинжилгээг авахад хариу сөрөг гарсан. PCR нарийвчилсан шинжилгээний хариу мөн сөрөг гарчээ. Сүүлийн сэжигтэй тохиолдол бүртгэгдсэн Завхан аймгийн иргэний хувьд өвчтөн аймгийн төвд эмнэлэгт хэвтсэн. Гэртээ найман хүнтэй хавьтал болсон учир хавьтал болсон бүх хүнд  PCR шинжилгээ хийлгэхээр өнөөдөр сорьц ирж байгаа аж.

Мэргэжлийн байгууллагаас хэлж анхааруулсаар байтал 30 гаруй насны эмэгтэй, эрэгтэй хүмүүс тарваганы мах идсэн өгүүлэмжтэй, булчирхай цочих, гүйлгэж суулгах зэрэг клиникийн шинж тэмдэг илэрч байгаа гэнэ. 

Иргэдийн энэ мэт хариуцлагагүй үйлдлээс болж нэг хүний тарваган тахлын лабораторийн шинжилгээ, эмчилгээ, голомтод ажиллах мэргэжилтнүүдийн хамгаалах хувцас хэрэгсэл зэрэг улсаас 100-гаад сая төгрөгийн зардал гарч байна гэж ЭМЯ-ны Шуурхай удирдлагын газрын дарга Д.Нарангэрэл мэдээллээ.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.