ШУУРХАЙ: Авлигын мөнгөө оймсондоо нуусан Н.Баярсайханд 2.8 жилийн хорих ял оноолоо

2020 оны 09 сарын 21

Оймсондоо хахуулийн мөнгөө  нууж байгаад үйлдэл дээрээ баригдсан МХЕГ-ын Экспорт, импорт, хилийн хорио цээрийн хяналтын газрын дарга асан Э.Аззаяа, хэлтсийн дарга Н.Баярсайхан нарт холбогдох хэргийн шүүх хурал өнөөдөр /2020.09.21/ Чингэлтэй дүүргийн Эрүүгийн хэргийн анхан шатны шүүхэд болж   шийдвэрээ гаргалаа. 

Тодруулбал, Э.Аззаяа, Н.Баярсайхан, Г.Элдэв-Очир, С.Бүрэнтөгс, Ш.Тэгвандан нарыг эрх мэдэл, албан тушаалаа ашиглан хясан боогдуулах замаар, бүлэглэн хахууль авсан гэм буруутайд тооцож, Д.Төмөрбаатарыг хахууль өгсөн буруутай гэж үзжээ.

Улмаар Н.Баярсайханд нийтийн албанд томилогдох эрхийг таван жил хасаж, хоёр жил найман сар хорих ял,  Э.Аззаяад нийтийн албанд ажиллах эрхийг мөн хугацаагаар хязгаарлаж, 40 сая, Г.Элдэв-Очирт нийтийн албан тушаал хаших эрхийг дээрх хэмжээгээр хасаж, 13 сая, С.Бүрэнтөгсөд төрийн байгууллагад томилогдох эрхийг мөн хугацаагаар хасаж, 15сая, Ш.Тэгванданд нийтийн албанд томилогдох эрхийг гурван жил хасан, 2.7 сая төгрөгөөр торгох ял тус тус  ногдууллаа.

Харин Д.Төмөрбаатарт хахууль өгсөн гэм буруутайд тооцож, нийтийн албанд томилогдох эрхийг хоёр жил хасаж, есөн сая төгрөгөөр торгох ял оноов. Дээрх хүмүүсээс эд мөрийн баримтаар хураасан нийт 831.5 сая гаруй төгрөгийг улсын төсөвт шилжүүлэхээр болсон байна.

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 22
66.181.187.188
АВЛИГАЧИН шүүгч нар

АВЛИГА авсан нь тодорхой хэрэгт ЯЛ өгсөн болж жүжиг тавьж байгаа ХУУЛИЙН ажилтан нарыг зайлуулаач. ТЭД АВЛИГА авч хэргийг ШИЙДСЭН ДҮР үзүүлж байна. ТӨР минь АВЛИГАЧИН шүүгч, прокурор нарыг хурдан зайлуулаач. БИД авлигачдаас салах ёстой.