Согтуурсан үедээ найз залуугаа хөнөөсөн 15 настай охины хэргийг үргэлжлүүлэн шалгаж байна

Хоёрдугаар сарын 1-ний өдөр 15 настай согтуурсан үедээ найз хөвгүүнээ хөнөөсөн хэрэг гарсан байдаг. 

Хэргийг тодруулбал, Баянгол дүүргийн нутаг дэвсгэрт байрлах орон сууцны хороололд тус хэрэг гарсан бөгөөд цагдаагийн байгууллагын урьдчилсан шалгалтаар согтууруулах ундааны зүйл хэрэглэсэн үедээ 15 настай охин 16 настай найз хөвгүүнээ мэсээр хөнөөсөн гэдгийг тогтоосон талаар бид мэдээлж байсан.  

Олны сэтгэлийг сэрдхийлгэж, дуулиан дагуулсан энэхүү хэрэг ямар шатандаа яваа талаар цагдаагийн байгууллагаас тодруулахад "Шалтгалтын ажилллагаа үргэлжилж байна. Мөрдөн шалгах ажиллагааны талаар мэдээлэл өгөх боломжгүй" гэх мэдээллийг өглөө. 

Тухайн хэргийг үйлдсэн Х гэх охин нь нэг жилийн өмнө харгис хэрцгийгээр бусдыг зодож, хуулийн хариуцлага хүлээлгүй өнгөрсөн байдаг. 

Тодруулбал, Одоогоос нэг жилийн өмнө өсвөр насны охид нийлж үе тэнгийн дээрэлхэл үйлдэж, А охиныг хэрцгийгээр зодож, бичлэг хийгээд түүнийгээ цахим орчинд цацаж байв. 

Тодруулбал, бичлэг дээр өсвөр насны дөрвөн охин хохирогч охины гар, хөлийг дарж, хөдөлгөх боломжгүй болгож байгаад толгойгоор нь удаа дараа шал мөргүүлж, алгадаж өшиглөх зэргээр харгис, балмадаар зодож, хүний санаанд багтамгүй муухай үгсээр харааж, доромжилж байдаг.

Уг бичлэг цацагдсаны дараа бодит мэдээллийг хүргэх зорилгоор манай сайт хүчирхийллийн хохирогч болсон Б.Алтансувдтай ярилцаж, тухайн үед юу болсныг олон нийтэд хүргэж байсан юм. Бүлэг охидын хүчирхийлэл хохирогч охинд амиа хорлох оролдлого хийх хүртэл хүндээр тусч, сургуулиа орхисон тухайгаа ярьж байв.

Энэхүү сэрдхийм үйл явдлын дараа Баянгол дүүргийн цагдаагийн хоёрдугаар хэлтэст хэргийг шалгаж эхэлсэн байдаг. Тус цагдаагийн хэлтсийн мөрдөгч, цагдаагийн дэслэгч Д.Болортуяа хэргийг шалгаж, 15 настай М.Халиунаа гэгч нь М.Эгшиглэн, Б.Отгонгэрэл, Л.Амарзаяа нартай бүлэглэж, Эрүүгийн хуулийн тусгай ангийн 11.6 дугаар зүйлийн хоёр дахь хэсэгт заасан гэмт хэрэг үйлдсэн болохыг нотлох баримтаар тогтоосон байдаг.

Улмаар прокурорын байгууллагад хэргийг шилжүүлсэн байна. Гэвч нотлох баримт нь нийтэд ил болсон уг хэргийг Баянгол дүүргийн прокурорын газрын хяналтын прокурор Д.Батзаяа хэрэгсэхгүй болгож шийдвэрлэсэн. 

Уг асуудлаар бид бүхэн БГД-ийн прокуроын газраас тодруулахад уг хэрэгт холбогдсон Х гэх охин насанд хүрээгүй гэх шалтгаанаар хэргийг хэрэгсэхгүй болгосон хэмээн тайлбарлаж байв.

Улмаар хохирогч охины аав манай сайтад хандаж, энэхүү хэргийг хэрэгсэхгүй болгосонд харамсаж байна. Тухайн хэрэг үйлдсэн охидууд 16 нас  хүрчихсэн, хийсэн хэрэгтээ хариуцлага хүлээж, дараа дараагийн хор уршгаас сэргийлнэ хэмээн учирлан ярьж байсан юм. 

Тухайн хэргийн талаар бид эргэн мэдээллэх болно.