Нийтийн тээврийн шинэчлэлт, үйлчилгээ хүртээмжийг сайжруулах талаар Хотын дарга Х.Нямбаатар мэдээлэл хийлээ.
Тэрбээр "Нийслэлийн нийтийн тээвэрт сүүлийн жилүүдэд маш их хөрөнгө оруулалт хийж, парк шинэчлэлт хийж, ажилчдын цалинг нэмсэн.
Гэвч бидний төлөвлөсөн үр дүн хараахан гарахгүй л байна. Нийтийн тээвэр 2015-2016 онд 50 тэрбум гаруй төгрөг олдог байсан бол 2023-2024 онд 20-30 тэрбум төгрөг олж байна гэдэг бол доромжлол.
Нийтийн тээврийн газруудын дарга нар хулгай хийж байгаа жолооч нараа бүгдийг нь ажлаас хал. Яагаад хулгай хийж байгааг нь мэдсээр байж өршөөгөөд байдаг юм.
Автобусны жолооч нар 5-6 сая төгрөгийн цалин авч, тэтгэвэрт гарахдаа 100 сая төгрөгийн тэтгэмж авч байна. Үүнээс илүү дэмжлэг гэж юу байх вэ.
Өдөр болгон гэртээ харихдаа бэлэн мөнгөтэй харьдаг жолооч нарыг бүгдийг нь хал. Зөрчил илрүүлэлтийг сайжруулах шаардлагатай байна.
Автобус баазууд ашигтай ажиллаж, тэр хэмжээгээрээ өөрсдөө орлогоо захиран зарцуулах учиртай. Ингэж байж дан ганц жолооч гэлтгүй инженер, техникийн ажилтнуудын цалинг жигдрүүлнэ" гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.119.144
ХОВ БАЗАЖ ХОРИН ТАВАН МЯНГААР ТОРГОН ЭРХЛҮҮЛДГЭЭ ЗОГСООН АЖЛАА ХИЙ !
Хариулах