Т.Мөнхсайхан: Улс төрийн шийдвэр гарвал дагана. Ер нь би албан тушаалын араас явдаггүй

Улс төрд үүсээд буй зарим асуудлаар Эрүүл мэндийн сайд Т.Мөнхсайханаас тодрууллаа. 

Тэрбээр, Манай яаман дээр бодлогын чанартай суурь шинэчлэлийн ажлууд явсан. Яаман дээр хийгдээд дууссан бодит үр дүнгээ өгсөн ажлууд ч их байгаа. Цаашдаа Эрүүл мэндийн салбарт хийхээр төлөвлөсөн маш олон ажлууд байгаа. 

-Л.Оюун-Эрдэнийн Засгийн газар хэр ажилласан гэж та харж байна вэ?

-Л.Оюун-Эрдэнийн Засгийн газар сайн ажилласан гэж бодож байгаа. Гэхдээ энэ дүнг бид нар тавихгүй шүү дээ. Ард иргэд л дүн тавина. 

Бид томоохон төслүүдээ хөдөлгөж чадсан АН-аас томилогдсон сайд нар маань хариуцсан салбарууд дээрээ тодорхой асуудлуудаа шийдсэн. Үр дүнгүүд нь ч гарч байна. 

-Дараагийн Засгийн газрыг шинээр байгуулах гээд таныг салбарын ажлаа өг гэвэл та өгөх үү?

-Улс төрийн шийдвэр гарвал би өгнө өгөхгүй гээд байх юм байхгүй. Би өмнө нь эрүүл мэндийн сайдаар ажиллаж байсан. Хариуцлага хүлээх ёстой бол хариуцлагаа хүлээгээд л явж л байсан. Ер нь албан тушаалын араас яваад байгаа зүйл байхгүй.