Дотоодын цэргийн штаб зодуулсан цэргийн ар гэрийнхэнд өгөх нөхөн төлбөрийн мөнгийг алба хаагчдаасаа татварласан байж болзошгүй ноцтой мэдээлэл олон нийтийн сүлжээнд тавигджээ. Тодруулбал, Алтай студи гэх фэйсбүүк хуудаст энэ мэдээлэл тавигдсан байх бөгөөд энэ хэрэг явдалд саяхан тус байгууллагын даргаар томилогдсон хурандаа Н.Лхагвасайханыг буруутгасан байна.
Алтай студи мэдээлэлдээ “…Дотоодын цэргийн штабын даргаар томилогдсон хурандаа Н.Лхагвасайхан зодуулсан цэргийн ар гэрийнхэнд өгөх гэж алба хаагчдаас 20.0 төгрөгийг хураагаад сууж байна” хэмээн бичиж, Н.Лхагвасайханы томилгоог хийсэн Хууль зүй, дотоод хэргийн сайд Б.Энхбаяраас тайлбар нэхжээ.
Хурандаа Н.Лхагвасайхан нь Хууль зүй, дотоод хэргийн сайдын 2026 оны Б/01 дүгээр тушаалаар Дотоодын цэргийн штабын даргаар томилогдсон. Томилогдохоосоо өмнө Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны даргаар ажиллаж байв. Бид энэ мэдээллийг тодруулах болно .
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна