Дуучин Б.Амархүү орон нутгаар хийж буй аялан тоглолтынхоо үеэр Увс аймгийн "Ойрад" театрынхан хариуцлагагүй, ёсзүйгүй хандсан талаар өөрийн цахим хуудсаар дамжуулан мэдээлэл хийв.
Тодруулбал, 1000 гаруй км зам туулж тус театрт очих үед тоглолтын бэлтгэл огт хийгдээгүй, спортын тэмцээнтэй гэх шалтгаанаар хөгжим, гэрэл зэргийг хариуцсан ажилтнууд ажиллах боломжгүй гэжээ.
Түүний энэхүү бичлэг цахим орчинд тархснаар олон нийтийн дунд хэлэлцүүлэг өрнөв.
Үүнтэй зэрэгцээд Увс аймгийн Засаг даргын орлогч С.Анхбаяр "Хар тамхичныг үзээгүй нь зөв. Яагаад цаг гаргаж өгдөг юм. Зарим зүйлийг жигшиж байх хэрэгтэй. Хар тамхичинд цаг гаргаж өгсөн театрын удирдлагуудад хариуцлага тооцуулна" хэмээн цахим хуудсандаа бичсэн нь ихээхэн шүүмжлэл дагууллаа.
Дуучин Б.Амархүү 2019 онд хар тамхины хэргээр хоёр жилийн хорих ял сонсож, биеэр эдэлж байсан юм.
С.Анхбаяр дээрх постыг нийтэлсний дараа Б.Амархүүгийн фэнүүд С.Анхбаярын хуучин хэргийг нийтэд ил болгов.
Тодруулбал, С.Анхбаяр 2018 онд согтуурсан үедээ өөрийн төрсөн дүү болох "Т"-тэй маргалдаж, мэсийн зүйлээр хүнд гэмтэл учруулсан хэрэгт холбогдож байжээ.
Ил болсон мэдээлэлтэй холбоотойгоор С.Анхбаярыг ажлаас нь чөлөөлөхийг шаардсан. Одоогоор чөлөөлсөн эсэх нь тодорхойгүй байна. Мөн дуучин Б.Амархүүг ч өөхшүүлж дэмжихгүй байхыг уриалсан сэтгэгдлүүд ч цахимд хөврөв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна