Энхтайвны өргөн чөлөө, Нарны замыг авто замаар холбохоор болжээ. Холболт Баянзүрх дүүргийн 13 дугаар хороо, Офицеруудын тойргоос урагшаа, Сүнжин гранд зочид буудлын далангийн орчмоор хийгдэх юм байна. Тодруулбал, Офицерудын ордны тойргоос далан даган Нарны замтай холбогдох ажээ.
Шинээр баригдах зам нь хоёр эгнээтэй, хоёр талаараа явган хүний замтай байх юм байна. Гүйцэтгэгчээр нь “Шинэ хотын цамхаг” ХХК шалгарсан бөгөөд аравдугаар сарын 30-нд дуусгахаар төлөвлөж байгаа аж. Одоогоор замын трасст өртсөн 18 нэгж талбарын газрыг чөлөөлөх ажил явагдаж байгаа юм байна.
Шинэ зам баригдсанаар Офицеруудын тойрог болон Нохойтой хөшөө орчмын замын ачааллыг бууруулна гэж тооцжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна