Г.Лувсанжамц: Суррон, скүүтертэй явган замаар явбал 50 нэгжээр, 18 нас хүрээгүй хүн унавал 100 нэгжээр торгоно

“Скүүтэр, мопед, сурроны хөдөлгөөнийг зохицуулах” хуулийн талаар УИХ-ын гишүүн П.Батчимэг мэдээлэл хийлээ.

Тэрбээр, “Суррон, скүүтер нь зөвхөн манай улсад төдийгүй хөгжингүй улс орнуудад нийтийн хэрэглээ болж жилээс жилд өсөн нэмэгдэж байгаа.

Улаанбаатар хотод ашиглагдаж байгаа суррон, скүүтер явган зорчигчдийг маш их бухимдуулж байгаа. Тиймээс явган хүний замаар эдгээрийг явуулахгүй. 18 нас хүрсэн иргэн бичил тээврийн хэрэгслийг унах зохицуулалттай болж байна.

Авто замын зорчих хэсгийн баруун эгнээний нэгдүгээр хэсгийг мопед ангилалд оруулж түүгээр л зорчих хуулийн заалтыг тусгасан байгаа. Энэ хуулийг хэрэгжүүлэх амин гол сүнс бол замын асуудал. Дугуйн тусгайлсан замтай байх ёстой гэдэг шаардлагыг Засгийн газар Нийслэлийн удирдлага Засаг дарга үүнийг бүрэн хариуцаж ажиллана гэж бодож байна.

УИХ-ын гишүүн Г.Лувсанжамц: Тавдугаар сарын 1-нээс 10 сарын 1-ний хооронд нэгдүгээр эгнээг автобус, суррон, скүүтер, мопед гэсэн замуудыг гаргаад өгөөч ээ. Тэр хүртлээ унадаг дугуйн замыг бүрэн бүтэн болгох ажлыг яаравчлах хэрэгтэй байна гэдгээ хэлсэн.

Явган зам дээр явахыг хатуу хориглоно. Хэрвээ явсан тохиолдолд торгууль оногдуулна. Жолооны B ангиллын үнэмлэхтэй хүнд унуулъя гэсэн саналыг гаргасан. Насанд хүрээгүй хүүхдүүд аав ээжийнхээ И-Монголиаг ашиглан скүүтер дээр хоёр гурваараа сундалдаад явж байна. Тэр ч бүү хэл эцэг эхчүүд маань хүртэл хүүхдээ урдаа аваад явж байгаа харагддаг. Энийгээ болих хэрэгтэй.

Суррон, скүүтерт сундалж явахыг бүрэн хориглоно. Явган замаар явсан тохиолдолд 50 нэгжээр торгоно. Явган гарцаар унаад гарвал мөн 50 нэгжээр торгоно. Харин 18 нас хүрээгүй хүн унаж байвал 100 нэгжээр торгоно. Хүүхдэдээ үнэмлэхээ ашиглуулсан тохиолдолд эцэг эхийг нь 200 нэгжээр торгоно гэсэн хуулийн заалт байгаа" гэлээ .