"Доён" хочит Болд, Өлзийжаргал нарт холбогдох хэргийг Хан-Уул дүүргийн Эрүүгийн хэргийн анхан шатны шүүхэд шүүж эхлэв.
Өнгөрсөн оны зургадугаар сард Хан-Уул дүүргийн нутаг дэвсгэр, Туул голын эрэг орчимд 10 гаруй удаа буун дуу гарч, иргэдийг айлгаж цочроосон байдаг.
Хан-Уул дүүргийн прокурорын газраас яллагдагч У.Болд, Т.Өлзийжаргал нарыг Эрүүгийн хуулийн тусгай ангийн 181 дүгээр зүйлийн 181.3 дахь хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн байна.
Яллагдагч У.Болд нь Т.Өлзийжаргалтай бүлэглэн өнгөрөгч 06 дугаар сарын 17-ны өдөр 20 цаг 50 минутын орчимд Хан-Уул дүүргийн 13 дугаар хороо, Таван толгойн гүүрний зүүн талд, Туулын бургасанд согтуугаар галт зэвсэг ашиглан танхайрсан гэмт хэрэгт буруутгагдсан.
181.3 нь энэ хэргийг онц аюултай гэмт хэрэгтэн зэвсэг, зэвсгийн чанартай бусад зүйл хэрэглэж үйлдсэн бол таваас дээш найман жил хүртэл хугацаагаар хорих ял шийтгэнэ гэсэн хуулийн заалттай байдаг аж.
Т.Очир
Сэтгэгдэл бичигдээгүй байна