Хэдхэн өдрийн өмнө дуучин Эд Шийран өөрийн инстаграм хуудаснаа сүйт бүсгүйнхээ зургийг, хайрын үгсийн хамт нийтэлж, шүтэн бишрэгчиддээ бэлэг барьсан билээ. Тэрбээр ''Шинэ жилээс өмнө сүйт бүсгүйтэй боллоо. Бид бид биедээ ухаангүй дурласан, их аз жаргалтай байна. Бидний муурнууд ч сайн байгаа.'' хэмээн бичиж нийтэлсэн. Түүний сүйт бүсгүй Черри Сийборны талаар мэдээллүүдийг хүргэе.
1. Тэд ахлах сургуульд байхаасаа бие биенээ мэддэг байсан. Тэд хамтдаа Суффолкын Франлинхамын Томас Милл ахлах сургуульд суралцдаг байжээ. Гэсэн ч тэд ахлах сургуульд сурч байх хугацаандаа огт болзож байгаагүй гэнэ.
2. Черри маш сайн хоккей тоглодог. Түүний ахалсан хоккейн баг 2012, 2013 оны Английн их сургуулийн аварга шалгаруулах тэмцээнд оролцож аварга болж байсан.
3. Тейлор Свифт тэднийг холбож өгсөн. Тэд долдугаар сарын 4-ны баяраар Тейлорын үдэшлэгт хамтдаа явснаас тэдний хайр дурлалын харилцаа эхэлсэн.
4. Дэлхийн хэмжээний одтой болзоно гэдэг амаргүй. Ямар нэгэн үдэшлэг цэнгүүн, арга хэмжээнд хамт явлаа гэхэд дандаа хайртыгаа танилуудад нь булаалгаж ганцаараа хоцроно. Харин Черри нийтэч, хүнтэй амархан найзалж чаддаг учир Эддиг танилуудтайгаа ярилцаад завгүй байхад шинэ найзуудтай болж чаддаг найрсаг, сэргэлэн бүсгүй гэнэ.
5. ''Төгс'' /Perfect/ дуугаа Эд Черрид зориулан бичжээ. Тэрбээр аравдугаар сард Радио сайтад өгсөн ярилцлагадаа дууны санааг Черритэй хамтдаа байшингийн гадаах зүлгэн дээр бүжиглэж, усан сан уруу үсэрснийхээ дараа бичсэн хэмээн хэлжээ. Түүний Perfect дуунд ''Нүцгэн хөлөөрөө зүлгэн дээгүүр явж, дуртай дуугаа хамтдаа сонсоод'' гэж гардаг нь ийм учиртай байж шүү!
Ямартай ч Эд, Черри хоёрын удахгүй болох хурим дээр Perfect дуу эгшиглэх бололтой.
С.Тэргэл
Сэтгэгдэл бичигдээгүй байна