​Тэтгэвэрт гарсан загвар өмсөгчид цахим ертөнцийг шуугиулж байна

Загварын ертөнцөд 90-60-90 гэсэн тоог шүтдэг. Игорийн загварын агентлагт ч 90-60-90 тоог шүтдэг гэнэ. Гэсэн ч Игорь биеийн харьцаа төгс загвар өмсөгчдийг бус, харин 60-аас дээш насны загвар өмсөгчдийг ажиллуулж, онцгой загварыг үзүүлдгээрээ алдартай. 

Ихэнх хүмүүс тэтгэвэрт гарсан хойноо ач зээгээ харж, гэртээ ихэнх цагийг өнгөрөөдөг. Гэсэн хэдий ч тэтгэврийн насанд хүрнэ гэдэг амьдралаа шинээр эхлэх боломж юм. Оросын Омскийн зурагчин Игорь Гавар зөвхөн хөгшин загвар өмсөгчдийн загварын агентлагийг үүсгэн байгуулсан бөгөөд ажиллаж эхлээд 1,5 жилийн хугацаа өнгөрөхөд л орос даяар 4 газар /Москва, Санктпетербург, Челябинск, Омск/  оффистой, том агентлаг болон хөгжжээ.