Гэрэлтдэг ургамлууд цахилгаан чийдэнг орлож чадах уу?

Хүн байгаль мөнхийн холбоотой оршсоор ирсэн. Эрдэмтдийн хийсэн хамгийн сүүлийн үеийн судалгаагаар хотын ногоон бүсэд илүү бага гэмт хэрэг гардаг болох нь тогтоогджээ /Охио, Янгстаун/ Өөр нэгэн хотод оффистоо таримал цэцэг ихээр ургуулсан газрын ажилчдын ажлын бүтээмж таримал цэцэггүй оффист ажилладаг ажилчдын ажлын бүтээмжээс 15%-иар илүү байдаг нь тогтоогджээ.



Маасачутесийн Шинжлэх Ухаан Технологийн их сургуулийн эрдэмтэд ургамлыг ''өөрчлөн зохион бүтээж'', чийг дутагдсан үедээ навчин дээр суурилуулсан мэдрэгчээр дохио өгдөг, эргэн тойрны 3 зургийг дарж, компьютер уруу илгээж чаддаг, гүний усанд агуулагдаж буй эрдэс бодисын хэмжээг тогтоож чаддаг ургамлуудыг гарган авахаар зорин ажиллаж байна.



Масачутесийн их сургуулийн эрдэмтдийн Страно багийнхан нанобионик ургамлуудыг судалдаг шинжлэх ухааны салбарт хамаардаг. Бионик- хиймэл хүчтэй, нано- маш бага зайд хиймэл хүчийг нь суурилуулсан гэсэн үг.



Страно багийн гишүүд хамгийн сүүлд 3 цаг 30 минутын турш орчин тойрныг гэрэлтүүлэх чадвартай ургамлыг ''зохион бүтээжээ''. Кейл, бууцай зэргийн 4ургамлыг ашиглан энэхүү туршилтыг хийсэн бөгөөд нано элементүүдийг усан кресс ургамлын навчинд байрлуулж чадсанаар туршилт амжилттай болж, байгалийн гэрэл гарган авчээ. Нано элементүүд ургамалд уусан орсноор луциферин ба лициферас буюу гэрэл ялгаруулагч нэгдлийг ялгаруулдаг. Ингэснээр байгалийн гэрэл нь ургамлын бодисын солилцооны үр дүнд явагдаж байна гэсэн үг юм.



Ургамал нарнаас авсан эрчим хүчээ элсэн чихэр болгон өөрийн дотор хадгалдаг. Бид ургамлын дотроо хадгалсан эрдэс бодисуудын бага хэсгийг авч гэрэл болгон хувиргах туршилтуудыг хийж байна хэмээн Страно багийнхан хэлжээ. 



Гэрэлтдэг ургамлууд бол зөвхөн эхлэл юм. Нэг л өдөр гудамжны гэрлүүдийг бүгдийг нь гэрэлт модоор орлуулах нь Страно багийнхны өмнөө тавьсан зорилго аж.