Японы мэргэжлийн сүмо бөхийн 70 дахь их аварга, Монгол Улсын гавьяат тамирчин Харүмафүжи Д.Бямбадоржийн зодог тайлах ёслол есдүгээр сарын 30 буюу энэ ням гарагт болно.
Харүмафүжи Д.Бямбадорж 28 насандаа Японы мэргэжлийн сүмо бөхийн Макүүчи буюу дээд зиндааны 2012 оны долоо, есдүгээр сард дараалан түрүүлснээр 70 дахь их аварга цол хүртсэн юм.
Тэрбээр гадаадын тав дахь, Монголын гурав дахь их аварга /Ёкозүна/ цолтноор тодорсон аж. Түүний багш Исэгахама Ояката бол мэргэжлийн сүмогийн 63 дахь их аварга Асахифүжи билээ.
Харүмафүжи Д.Бямбадорж зодог тайлахаа мэдэгснээсээ хойш Монгол Улсын боловсролын салбарт хөрөнгө оруулж, "Шинэ Монгол-2" сургуулийг Яармагт барьж байгуулан энэ есдүгээр сарын 1-нд нээсэн.
Мөн тэрбээр зураг зурах авъяастай бөгөөд үүнийгээ хөгжүүлэн Японд уран зургийн үзэсгэлэнгээ гаргасан билээ.
Сэтгэгдэл бичигдээгүй байна