Бразилийн түүхт багуудын нэг "Палмейрас" баг улирал дуусахаас нэг тойргийн өмнө Бразилийн аваргаар тодорчээ. 37 дугаар тойрогт тэд "Васко да Гама" багийн талбайд айлчлан 1:0-ийн харьцаатайгаар ялалт байгуулж чадсан аж. Тоглолтын цорын ганц гоолыг 72 дахь минутад Дэйверсон оруулжээ.
Ийнхүү “Палмейрас” улирал дуусахаас нэг тойргийн өмнө хүснэгтийн хоёрт бичигдэж буй "Фламенго" багаас таван оноогоор тасарч, 10 дахь удаагаа Бразилийн аварга болж чадав. Палмейрис багийн ахлах дасгалжуулагчаар нэрт дасгалжуулагч Луис Фелипе Сколари ажиллаж байгаа билээ. Түүний удирдлага дор Бразилийн шигшээ баг 2002 онд дэлхийн аварга болж байсан юм.
Сэтгэгдэл бичигдээгүй байна