Английн лигийн цомын төлөөх ээлжит тэмцээн “Арсенал”, “Тоттенхэм” багуудын хооронд болсон бөгөөд нэгэн хөгжөөн дэмжигч тун болчимгүй үйлдэл хийжээ. Үзэгчдийн суудлаас шидсэн түүний хуванцар лонх “Тоттенхэм” багийн довтлогч Делли Аллигийн толгойг оносон аж. Алли “Арсенал”-ын хаалганд орсон хоёр гоолын нэгийг нь хийсэн бөгөөд ийнхүү тус баг “Арсенал”-ыг сүүлийн найман жилийн хугацаанд анх удаагаа талбай дээр нь хожсон билээ.
Ингэснээр “Тоттенхэм” лигийн цомын төлөөх тэмцээний хагас шигшээд шалгарчээ. Цагдаа нар камерийн бичлэгийг шүүж үзээд уг хуванцар лонхыг шидсэн этгээдийг тогтоохоор ажиллаж байгаа гэнэ. Тэр танхай этгээд ял сонсох бөгөөд бүх амьдралынхаа туршид хөлбөмбөгийн тоглолт үзэх эрхгүй болох юм.
Сэтгэгдэл бичигдээгүй байна