Өдгөө 21 настай Кейли Женнерийг Форбес сэтгүүлийнхэн "өөрийнхөө хүчээр амжилтад хүрсэн бүх цаг үеийн дэлхийн хамгийн залуухан тэрбумтан" хэмээн өргөмжлөөд буй. Түүний хөрөнгө саяхан $1 тэрбумд хүрсэн бөгөөд үүнтэй холбогдуулан Кайли сэтгүүлийн 2019 оны Тэрбумтнууд нэршилтэй тусгай дугаарын нүүрэнд гарчээ. Женнер өөрийн гурван жилийн өмнө үүсгэн байгуулсан Kylie Cosmetics компанийн 100% эзэмшдэг ба түүний компани өнгөрсөн онд $360 саяын борлуулалтыг хийсэн байна.
Interview Germany сэтгүүлд өгсөн ярилцлагынхаа үеэр Кейли "Би Kylie Cosmetics-ийг үүсгэн байгуулахаасаа өмнө олон нийтэд танигдан олон шүтэн бишрэгчтэй болсон байсан. Гэхдээ би 15 наснаасаа хойш эцэг, эхээсээ мөнгө аваагүй. Энэхүү компанийг үүсгэн байгуулахдаа би 100% өөрийнхөө хөрөнгийг ашигласан. Үүгээрээ ч би их бахархдаг" хэмээн хэлжээ.
2018 онд Forbes сэтгүүл АНУ-ын хамгийн чинээлэг алдартнуудын жагсаалтыг гаргахдаа Кайлиг тавдугаар байранд бичиж байсан удаатай. Тэрээр Жорж Лукас ($5.4 тэрбум), Стивен Спилберг ($3.7 тэрбум), Опра Уинфри ($2.8 тэрбум) болон Майкл Жордан ($1.7 тэрбум) нарын араас Jay-Z-гийн хамтаар тавдугаар байранд жагсаж байсан юм.
Сэтгэгдэл бичигдээгүй байна