Нохой эдгээр өвчнүүдийг үнэрлээд л мэдэж чадна

Нохдын үнэрлэх мэдрэмж хүнийхээс 50 дахин илүү байдаг нь судалгаагаар нотлогдсон. Ноход эздийнхээ биед гарсан өөрчлөлт, өвчин зэргийг үнэрлээд л мэдэж чаддаг гэвэл та итгэх үү?

Эмч нарын оношилж чадаагүй өвчтөнийг нохой нь оношилсон тохиолдол өнгөрсөн гуравдугаар сард гарчээ. Үүнээс улбаалан эрдэмтэд нохдын үнэрлэх мэдрэмж дээр туршилт хийж үзэхэд ноход эздийнхээ биед гарсан маш бага гормоны өөрчлөлт, бодисын солилцооны бага зэргийн доголдол зэргийг илрүүлж чаддагийг тогтоожээ. Ноход нийт 6 төрлийн өвчинг оношилж чадах ба эдгээрийг толилуулъя.



Хорт хавдар
Арьсны, хөхний, давсгийн гэх мэт олон төрлийн хорт хавдруудын мэдэрч чадна. Эзнийхээ мэнгэ эсвэл биеийн тодорхой нэг хэсгийг үнэрлэж, хуцаж улмаар шөргөөгөөд байвал та эмчид хандах хэрэгтэй. 



Нарколепси буюу нойрны өвчин. Машин жолоодож, ажил хийж байсан ч дундуур нь шууд унтаад өгдөг шинж тэмдэг илэрдэг өвчин юм. Энэ өвчнөөр өвчилсөн эмэгтэйн нохой нь үргэлж түүнийг гэнэт унтахаас өмнө хуцаж, сэргээдэг байсан байна.



Миграйн буюу толгой таллаж өвдөх өвчин
Миграйн өвчтэй хүмүүс нохой нь тэдний толгой өвдөж эхлэхээс урьтаж сандарч тэвдэн, зан ааш нь өөрчлөгдөж буйг анзаарчээ. 



Чихрийн шижин
Цусан дахь сахарын хэмжээ нь буурсан тохиолдолд ноход нь хуцаж, эздэдээ сэрэмжлүүлдэг олон тохиолдлууд байдаг.



Таталт
Энэ өвчнөөр шаналдаг хүмүүс хэзээ ч, хаана ч осолдох магадлалтай. Харин үүнийг сэрэмжлүүлэхээр тэдэн хамгийн үнэнч нөхөр нохой нь байдаг. Ийм өвчнөөр шаналдаг эзэдтэй ноход таталт өгөхөөс өмнө эздэдээ сэрэмжлүүлж, сүүлээ хөдөлгөн чанга хуцдаг гэнэ. 



Стресс
Айж түгшсэн, сэтгэл гутрал, стресст автсан эздээ үнэрлэж мэдээд эздийнхээ сэтгэл санааг сэргээдэг ноход бишгүй л байдаг аж.