Хоёр дугуйт ''мопедчингууд''-ын эх оронд байдал ямар байдаг вэ?

Масс- үйлдвэрлэлийн эх орон Вьетнам улсын Ханой хот мопед, цахилгаан дугуйчдаар дүүрэн. Машин унадаг хүн бараг байдаг юм уу гэмээр энэ хотод зам хөндлөн гарах боломжгүй мэт санагдана. Англиас ирсэн Жон Енох 15 жилийн өмнө анх Вьетнамд ирээд зүү орох зайгүй сүлжилдэх дугуйчдыг хараад шоконд оржээ. Тэд маш олуулаа ч бүгд өөр өөр ачаа ачиж явдаг нь Жоны сонирхлыг ихэд татав. Маш олон тооны өндөг, овоолоостой цэцгүүд, хотойтол ачсан мөснүүд, алтан загаснууд төрөл бүрээрээ хоёр дугуйт мопед дээр ачигдсан явдаг байлаа. Ингээд Жон тэдний зургийг дарж эхэлжээ. 



2030 он гэхэд агаарын бохирдол болон замын хөдөлгөөний түгжрэлийг бууруулах зорилгоор хоёр дугуйт цахилгаан дугуй унахыг хориглоно хэмээн засгийн газраас зарласан ч ард иргэд ийм шийдэлд хүрнэ гэдэгт эргэлзэж буй гэнэ. ''Маш олон түгээлтийн ажилтнууд, жирийн иргэд бүгд л мопед унаж ажлаа бүтээдэг байхад яаж хориглож чадах билээ. Ёстой л амьдралынх нь ганц эх үүсвэрийг булаагаад авч байгаа хэрэг болох болов уу'' хэмээн иргэд ярьж байв.