Төгсөлтийн баяр эхэлж байгаатай холбогдуулан НЦГ, НМХГ, НБГ, БСШУСЯ-наас мэдээлэл хийлээ. Цагдаагийн байгууллагынхан сургуулийн захиргаа, НБГ-тай хамтран төгсөх ангийн оюутан сурагчдад ухуулга сурталчилгаа хийхийн зэрэгцээ Улаанбаатар хотын ойролцоох амралтын газрууд, баар цэнгээний газруудад хяналт шалгалт хийх юм байна. Энэ нь төгсөлтийн баярыг тэмдэглэж, аялал зугаалгаар явахыг хориглосонтой холбоотой аж. 2019 онд нийслэлийн хэмжээнд 6668 сурагч 12-р анги төгсөнө. Жилд дунджаар 30 мянган сурагч сургуулиа төгсдөг байсан бол энэ жил харьцангуй цөөн байгаа гэнэ. Харин их, дээд сургуулийн хувьд 2019 онд 20 000 гаруй оюутан төгсөнө.
Сэтгэгдэл бичигдээгүй байна