Засгийн газрын хуралдаанаар Байгалийн түүхийн музейг Их тэнгэрийн аманд барих асуудлыг дэмжиж, холбогдох хууль тогтоомжийн хүрээнд газар ашиглуулах гэрээ байгуулан хамтарч ажиллахыг холбогдох хүмүүст даалгажээ. Тус музейн барилгын ажлыг гүйцэтгэхэд шаардлагатай техникийн нөхцөл, зөвшөөрлийг холбогдох хууль, журмын дагуу олгож дэмжлэг үзүүлж ажиллахыг Н.Цэрэнбат, Х.Баделхан, Ц.Даваасүрэн сайд, нийслэлийн Засаг дарга бөгөөд Улаанбаатар хотын захирагч С.Амарсайхан нарт үүрэг болгосон байна.
Байгалийн түүхийн музей нь 1924 онд Үндэсний музей нэртэйгээр байгуулагдаж байжээ. Музейн барилга нь 1955 онд Хөдөө аж ахуйн техникумын зориулалттай анх баригдсан юм байна. Барилгын ашиглалтын хугацаа нь бүрэн дууссан бөгөөд 2013 оны тавдугаар сараас Байгалийн түүхийн музейн олон нийтэд үйлчлэх үндсэн үйл ажиллагаагаа бүрэн зогсоогоод байгаа юм.
Сэтгэгдэл бичигдээгүй байна