Токиогийн Олимпыг зохион байгуулах хорооны зөвлөлийн эмэгтэй гишүүдийн тоог нэмнэ

Ш.Туяа
2021/03/03

Токиогийн Олимп, Паралимпын наадмыг зохион байгуулах хороо зөвлөлийнхөө бүрэлдэхүүн дэх эмэгтэйчүүдийн төлөөллийн эзлэх хувийг 40 хувьд хүргэж, 12 эмэгтэй гишүүн нэмж ажиллуулахаар болжээ.

Одоогоор Олимпыг зохион байгуулах хорооны зөвлөлийн 34 гишүүний долоо нь эмэгтэй /20 хувь/ байгаа бол мягмар гаргийн хуралдаанаар гишүүдийн тоог 45 болгон нэмэгдүүлж, тэдний 19 нь эмэгтэй байхаар шийдвэрлэсэн байна.

Олимпыг зохион байгуулах хорооны өмнөх тэргүүн Мори Ёширо эмэгтэйчүүдийн талаар зохисгүй үг хэлснийхээ төлөө албан тушаалаа хүлээлгэн өгснөөс хойш хийж буй шинэчлэлийн хүрээнд энэхүү шийдвэрийг гаргажээ.  

Шинэ гишүүдэд нэр дэвших хүмүүсийн нэрийг олон нийтэд танилцуулаагүй байгаа боловч Сиднейн Олимпын алтан медальт Такахаши Наоко, Паралимпын хоёр удаагийн алтан медальт Обината Күнико тэргүүтэй хүмүүс багтах төлөвтэй байгаа ажээ. 

Эх сурвалж: Монцамэ агентлаг



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна