В.Путин Монголд айчлах үедээ бөөтэй уулзаж, цөмийн зэвсэг хэрэглэх асуудлаар зөвлөгөө авсан уу

ОХУ-ын Ерөнхийлөгч В.Путин ойрмогхон Монгол Улсад айлчилсан билээ. Албан ёсоор бол  Халх голын дайны 85 жилийн ойд оролцох зорилготой гэх энэ айлалын өөр бусад зорилгын талаар "Олон улсын эрх зүйн хэм хэмжээг эвдэх зорилготой", "ОУЭШ-ийн үйл ажиллагаа бат бөх биш гэдгийг харуулахын тулд" гэхчлэн субъектив дүгнэлтүүд ч дэвшүүлж буй. Тэгвэл Германы "Der Spiegel" сэтгүүлд В.Путиныг Монголд бөөтэй уулзаж, цөмийн зэвсэг хэрэглэх адислал авсан байж магадгүй гэсэн утгатай мэдээлэл нийтлэгджээ.   

Мэдээлэлд "В.Путин Монголд бөө нартай уулзаж, цөмийн зэвсэг хэрэглэх асуудлаар зөвлөгөө авсан" гэдэг яриа Москвад тархаж байна. "Дождь" телесувгийн Ерөнхий редактор асан Михайл Зыгарь энэ талаар ярьсан байна" гээд ярьсан зүйлийнх нь талаар бичжээ. 

Михайль Зыгарийн ярьснаар бол, В.Путин нь цөмийн зэвсмэг хэрэглэх явдал зайлшгүй гэдгийг ойлгож байгаа ч энэ тохиолдолд тэнгэрийн хилэнг хөдөлгөнө гэж айж байгаа учраас энэ тал дээр дэмжлэг авахаар Монголд айлчилж, бөө нартай уулзсан байж магадгүй гэсэн байна. В.Путин Тувад очиж, залгуулаад Монголд ирсэн нь бөөтэй холбоотой таамаглалыг нь бодитжуулж байгаа гэж тэр дурдсан байна. Өөрөөр хэлбэл, Михайл Зыгарь энэхүү яриагаа бүрэн батлаагүй, цэвэр таамаглал дэвшүүлсэн ч барууны хэвлэлүүд "сэвсэн" бололтой. 

Гэхдээ Михайл Зыгарийн хэлснээр, В.Путин бөөгийн шашинд итгэсэн нь үнэн бөгөөд анх бөөтэй уулзуулсан хүн нь БХЯ-ны сайд С.Шойгу аж. Тэд 2000-аад оноос эхлээд Тува руу хувийн аялал зохион байгуулж бөөтэй уулзаж байсан бөгөөд Украинд цэрэг оруулах асуудлыг ч бөөтэй зөвлөсөн гэнэ.