Зам тээврийн сайд Б.Дэлгэрсайханаас зам засвартай холбоотой зарим зүйлийг асууж тодрууллаа.
-Сайд аа орон нутгийн зам их эвдрэлтэй байгаад байна. Хэзээ дуусах вэ?
-"Мэдэж байгаа. Засаж байна. Засварын мөнгө маш бага байна. Бид төв, хувийн хэвшлээр зам засах тендер зарлаж байгаа. Дахиад хоёр гурван зам зарласан байгаа. Та нар сүлжээн дээрээс харж байгаа байх. Чойр-Улаанбаатар, Ханбогд-Мандалговь, Мандалговь-Хөшигтийн хөндийг бид төр хувийн хэвшлийн түншлэлээр зарлаж байна. Тийм болохоор бид энэ том замуудыг аль болох төр хувийн хэвшлийн түншлэлээр явуулна. Өөр боломж байхгүй.
-Урсгал засварын төсөв нь яагаад тийм бага байдаг юм бэ?
-Замын татвар бага болохоор. Бараг л үнэгүй шахуу явж байгаа шүү дээ. Ингэж хэлэхээр бухимдаад эхэлдэг юм. Олон улсын жишигээр замынхаа татварыг авдаг болчихвол сайхан замтай болно.
-Иргэд товчоогоор гарахдаа 1000 төгрөг төлөөд гарч байгаа. 1000 төгрөгийг хэдий хэмжээнд аваачиж байж зам засахад хангалттай хэмжээний санхүүжилт босох вэ?
-Ядаж л суудлын машин 20000, ачааны машин 50000 төгрөгийг төлөхгүй бол маш хүнд. 1000 төгрөг өгөхөөсөө уурлаад байгаа хүнээс яаж 20000 төгрөг авах вэ дээ. Та нар бас ойлго л доо." гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.176.223
Замын татварыг 20-50 дахин ннмэх хэрэгтэй. Төлж чадахгүй нь явган явах хэрэгтэй
Хариулах