Додо шувууны яс, ''Доктор Хэн'' цувралын хорон санаат Далекийн баримал, эсвэл лусын дагины цогцос худалдаж авмаар санагдсан үедээ хаашаа явах вэ? Онлайн дэлгүүрүүд, Нарантуул захаас ч хайгаад олдохгүй эдгээр этгээд, сонин, зарим хүмүүст заваан санагдаж болох зүйлсийг www.sworder.co.uk онлайн сайтын дуудлага худалдаанаас худалдан авч болдог.
Сводэрсын дуудлага худалдаанд зарагдаж буй зүйлсийн хамгийн этгээд нь Фижи лусын дагина юм. Энэхүү лусын дагиныг бяцxан сармагчны бие болон загасны сүүлийг холбон бүтээсэн гэдэг.
Стар Трек киноны ахмад Киркийн бөөрний чулууг 14,000 евро /42,000,000төгрөг/ зарж чадсан дуудлага худалдаа өдрөөс өдөрт алдартай болж, үнэ хаялцах хүмүүсийн тоо нэмэгджээ. сайтын дуудлага худалдаанаас Доктор Хэн цувралын Далек, лусын дагинын бие, Мерилин Монрогийн сэтгүүлийн нүүрэн дээр гарсан анхны зураг зэргийг худалдан авч болно.
Зохион байгуулагчдын үзэж буйгаар зарагдаж буй ''этгээд'' зүйлсийг тэдний зохиосон ''этгээд'' түүх улам чимж байдаг гэжээ. Sworders сайтын дуудлага худалдаа сар бүр зохион байгуулагддаг юм байна.
С.Тэргэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна