Шинэчлэлийн гэх тодотголтой Засгийн газрын Ерөнхий сайдаар хоёр жил гаруй ажилласан Н.Алтанхуяг “Монголын төрд шударга ёсны хямрал боллоо” хэмээн сүржин мэдэгдэж, АТГ-т хүртэл шалгуулахдаа хэвлэл, телевизийнхнийг дууддаг. Гэмт хүн гэлбэлзэнэ гэдэг шиг.
Харамсалтай нь тэр шударга ёс ярьдаг шигээ “энхийн цагаан тагтаа” биш. Тэр Ерөнхий сайд байхдаа ах дүү, амраг садангийн бүлэглэлийг төрийн албанд бий болгосон гэлцдэг. Хүргэн Дэнзэнгээ ЗГХЭГ-ын дэд дарга болгож, улмаар төрсөн дүүгийнх нь охин Уянга болон өөрийнх нь охин А.Саранзаяа нарын нэр хөрөнгө мөнгөтэй холбоотойгоор нэг хэсэгтээ л яригдаж байгаад чимээ алдарсан.
Н.Алтанхуягийн нэртэй холбоотойгоор Цэвэр агаар сангийн 5 тэрбум, 2012-2014 онд Н.Алтанхуягийн туслах байсан М.Тулгын оролцоотой хийгдсэн хүүхдийн тоглоомын талбайн 4,2 тэрбум төгрөг, Нүүрс хөтөлбөрийн 13 тэрбум, хүргэн Дэнзэнгийн нэр холбогдсон 17 тэрбумын тендер гэхчлэн түүнтэй холбоотой асуудлын талаар ийм нэгэн бичлэг тухайн үед олны хүртээл болж байв.
Шударга ёс ярьдаг Н.Алтанхуяг өөрөө шударга байж чадсан уу гэсэн асуултын хариу нь энэ бичлэг болж үлджээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна