“Гэгээн” театрын хамт олон 150 хүүхдийн ортой цэцэрлэг байгуулахаар аян өрнүүлж эхэллээ

Хүүхэд залуучуудын “ГЭГЭЭН” театр нь 2014 оноос илбэчин, алиалагч, дуучин, уран нугараач, бүжигчин гэсэн бүрэлдэхүүнтэйгээр байгуулагджээ. “ГЭГЭЭН” театр нь бүрэн хэмжээний бие даасан томоохон 2 тоглолтыг амжилттай зохион байгуулж, монгол орноороо аялан тоглолт хийсэн байна.

Тус театрын томоохон зорилтуудын нэг нь хүүхдийн цэцэрлэг барих ба зорилгоо биелүүлэх арга зам, боломж бололцоог үргэлж хайж иржээ. Тэд зорилгоо биелүүлэхээр “Инээд Бэлэглэх Аян 2018” тоглолтыг хийхээр бэлтгэл ажилд ороод байна. “Инээд Бэлэглэх Аян 2018” тоглолтод театр циркийн үзүүлбэр, илбийн гайхамшиг, хөгжилтэй алиалагч, уран нугаралт, хүүхдийн дуучин, чөлөөт бүжгийн үзүүлбэр гэх мэт олон олон сонирхолтой үзүүлбэр багтах аж.