Кыргызстаны Ерөнхийлөгч Сооронбай Жээнбеков Монголын ерөнхийлөгч асан Намбарын Энхбаярыг энэ сарын 8-нд хүлээн авч уулзлаа. Н.Энхбаяр Чолпон-Ат хотод болсон олон улсын "Иссык-Кульск" форумын үйл ажиллагаанд оролцохоор Кыргызстанд очоод байгаа билээ.
.jpg)
Алдарт зохиолч Чынгыз Айтматовын 90 жилийн ойд зориулсан "Чынгыз Айтматов и вызовы современности" эрдэм шинжилгээний хуралд тэрбээр оролцож, үг хэлсэн юм.
Ерөнхийлөгч Сооронбай Жээнбеков Н.Энхбаярыг форумд оролцсонд талархал дэвшүүлсэн бол Н.Энхбаяр "Чынгыз Айтматов бол Кыргызстан төдийгүй дэлхийн бүх нүүдэлчин ард түмний бахархал билээ. Би энэ хуралд оролцохыгоо өөрийн үүрэг гэж үзсэн" гэж ярьсан байна.
Сэтгэгдэл бичигдээгүй байна