ОХУ-ын Батлан хамгаалахын сайд, армийн генерал С.Шойгу ирэх пүрэв гариг буюу аравдугаар сарын 18-нд Монгол Улсад албан ёсны айлчлал хийх гэж байна.
Монгол Улсын Батлан хамгаалахын сайд Н.Энхболд өнгөрсөн дөрөвдүгээр сард ОХУ-д болсон Олон улсын аюулгүй байдлын Москвагийн бага хуралд оролцох үеэр армийн генерал С.Шойгу намар Монгол Улсад айлчлах төлөвлөгөөтэйгээ илэрхийлсэн байдаг. Энэ айлчлал нэг өдөр үргэлжлэх юм байна.
ОХУ-ын зэрим хэвлэл мэдээллийн хэрэгслээр В.Путиныг залгамжлагч хэмээн нэрлэгдэж байгаа С.Шойгугийн Монгол Улсад хийх албан ёсны айлчлал нь аль ч талаасаа өндөр ач холбогдолтой бөгөөд хоёр орны хувьд батлан хамгаалах, цэрэг армийн салбарт хэдийнээс хамтран ажилласаар ирсэн хөршүүд билээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна