Оросын дуучин, жүжигчин Дима Билан Гавъяат дуучин цол хүртжээ. Шагналыг ОХУ-ын ерөнхийлөгч Владимир Путин гардуулсан байна.
“Үндэсний соёл урлагийг хөгжүүлэхэд олон жил үр бүтээлттэй ажилласан гавъяаг үнэлж дуучин Дима Биланд ОХУ-ын гавъяат дуучин хүндэт цолыг олгож байна” хэмээн зарлигт дурджээ.
Дуучин Дима Биланы олон гайхалтай дууг дэлхий нийт бахдан сонсдог юм. Тэрбээр "Евровидение" олон улсын дууны уралдаанд хоёр удаа Оросыг төлөөлөн оролцож, 2008 онд "Believe” дуугаараа нэгдүгээр байр эзэлж, "Евровидение"-д түрүүлсэн Оросын анхны дуучин болж байлаа.
Сэтгэгдэл бичигдээгүй байна